fimmtudagur, júlí 03, 2008

Að baki

Að baki hins sturlaða stríðs
dylst fræið sem firn eigi granda
það sýgur þar jarðbrjóstin svöl
við uppsprettu og ós

af hörmungum hugstola lýðs
rís fórn þeirra fálamandi handa
er græða vort beiskasta böl
með rúgi eða rós

úr helfjötrum haturs og níðs
brýst ástúð þess leitandi anda
er kveikir á hnattarins kvöl
hið langþráða ljós

-- Jóhannes úr Kötlum, Tregaslagur, 1966.

Engin ummæli:

Síðan er knúin af Blogger. Þórarinn Björn Sigurjónsson hannaði útlit.